2017/02/07

Komento (0)

A janë më të pasur shqiptarët? Eksperti i çështje sociale, Kosta Bajraba i ftuar në “Ekopolitikë” të gazetares Aurora Sulçe në Rtv Ora News, mendon se po, por ekspertë të tjerë thonë se është zgjeruar numri i të varfërve.

Kastriot Sulka, drejtues i departamentit të Punësimit në PD, thotë se ndihma për shtresat në nevojë ka mbetur e pa ndryshuar, por praktikisht është ulur për shkak të rritjes së çmimeve.

Nënkryetari i Dhomës së Tregtisë dhe Industrisë, Arben Shkodra, thotë se pabarazia është jo e drejtë për shkak të kriminalitetit të madh të ekonomisë, duke shtuar se në vendin tonë ka njerëz me makina super të shtrenjta, dhe që praktikisht janë të papunë.

Edhe eksperti i ekonomisë Zef Preçi thotë se sistemi krijon pabarazi. Eksperti tjetër i ekonomisë, Shkëlzen Marku thotë se të vetmet politika gjatë 4 viteve të fundit janë ato pasive me lojën e ndihmës ekonomike.

Pjesë nga diskutimet në studion e “Ekopolitikë”!

Bajraba: Është zhvilluar në mënyrë të pabarabartë. Koeficienti i pabarazisë mbetet i lartë. Ky nivel pabarazie dhe këto rrethana të zhvillimit, qeveria aktuale iu premtoi qytetarëve se do të vinte me një sistem të ri taksimi. Pavarësisht se ç’thonë raportet, njerëzit janë më mirë se 4 vite më parë.

Sulka: Hapësira midis të pasurve dhe të varfërve vjen për shkak se të pasurit ose largohen, ose bien edhe më të varfrit. Në Shqipëri, ndodhin të dyja. Pjesa poshtë pse ka shkuar akoma më tej ky hendek, që janë familjet e varfra nga 240 mijë në 80 mijë. Pjesa e dytë, nuk ka ndodhur asgjë me ta, 80 merrnin atëherë, 80 mijë marrin tani. Çmimet janë rritur. E dyta është paga minimale që vazhdon të jetë 220 mijë lekë që do të thotë se është ulur. Paaftësia e kufizuar kur nuk e ke rritur e ke ulur. Janë vendosur edhe disa pengesa ekstra.

Kemi persona me të njëjtët pagesa për ish të përndjekurit politik. Pagesa e papunësisë vazhdon të jepet njësoj sepse në të vërtetë e ke ulur, sepse është bërë në tre muaj. Nëse më përpara merrnin për 1 vit nëse ke punuar një vit, tani është tre muaj. Ne na ka ndodhur e famshmja krizë e Call-Center. Aty janë 25 mijë veta të formalizuar dhe 5 mijë të tjerë në të zezë. Call Centera-t i kishe në dorë. Parashikimi i buxhetit i ke për atë punë. Ky është një fakt dhe nuk varet nga ne. Kemi rritur çmimin e energjisë dhe godet këta të varfrit dhe e dyta rrisim çmimin e 33% të transportit publik. Ndaj ndodh ky hendeku. Këta janë rrënuar, pjesa e të varfërve është rrënuar. Këto janë fakte.

Bajraba: Kur flasim për mirëqenien flasim për ndihmën ekonomike. Ndihma ekonomike nuk e lufton varfërinë. Ndihma ekonomike është transitore dhe është shumë e shtrënguar. Ne e masim me numrin e familjeve që dalin nga ndihma ekonomike. Një nga anët pozitive të kësaj reforme është që u hoq ndihma ekonomike e pjesshme për ata 40 mijë familje. Ata merrnin 10 mijë lekë. Se çfarë mund të bësh me 10 mijë lekë? Për sa i përket pagës minimale, që një vend që kërkon të nxisë punësimin duhet të bëjë politika të kujdesshme të pagave. Kërkesa për politika të kontrolluara të pagave vijnë nga nevojat që ka ekonomia.

Shkodra: Kemi pabarazinë jo të drejtë. E para vjen nga korrupsioni dhe natyrshëm që e kemi prezentë në vendin tonë. Favorizohen individë të caktuar. Kemi ekonomi kriminale, absolutisht që po. Kemi një përqindje të caktuar të ekonomisë kriminale dhe kjo sjell pabarazi. Njerëz që kanë makina super të shtrenjta dhe që janë të papunë. Thellimi i pabarazisë duhet shikuar në disa aspekte. Çelësi i daljes nga varfëria nuk është qeveria, është prodhimi, sipërmarrja që punëson. Ne duhet të shikojmë më tepër politika për zhvillimin e sipërmarrjes. Kemi sot një ekonomi që bazohet tek importi se sa eksporti.

Preçi: Bie dakord që vet sistemi krijon pabarazi. Pas krizës greke, qoftë vendet demokratike qoftë jo demokratike e kanë problem pabarazinë. Banka Botërore thotë se 45% e shqiptarëve jetojnë me më pak se 1 dollar në ditë. Këto tre vitet e fundit, po të shohësh se ku kanë shkuar paratë e familjeve shqiptare. Rritja e çmimit të energjisë ka dëmtuar të varfrit.

Ka një rritje taksash në nivel vendor që rëndon jetesën. Në qoftë se ndiqen politika në kah të mbledhjes së të ardhurave, rrit të varfrit. Rritja ekonomike e ngadalshme nën 6% në thelb nuk kontribuon. Në qoftë se nuk kemi rritje të punësimit nuk mund të flasim për reduktim të varfërisë. Për sa i përket efekteve sociale, qeveria nuk ka mjete të mjaftueshme për shtresat në nevojë dhe kjo sjell mos njohjen e minimumit jetik.

Marku: Pabarazia është rritur në të dy krahët. Largimit të pjesës së pasur të një numri të kufizuar të pasurish. Të ardhura familjare për një familje me 5 persona sipas INSTAT është 38 mijë lekë në muaj. Kjo tregon se kemi një zgjerim të bazës së piramidës së shtresës së varfër dhe rritjen e shpejtë të një numri të kufizuar personash. Edhe studimi i BERZH tregon që pjesa më e madhe e shqiptarëve mendojnë se për t’u bërë i pasur mundësia më e mirë është lidhja me politikën. Vetëm më pak se 1/3-ta kanë konfirmuar se kanë rritur ekonominë e tyre nëpërmjet punës. Të vetmet politika në 4 vitet e fundit, janë politika pasive me lojën e ndihmës ekonomike dhe jo politikat aktive për të rritur ekonominë.

/Ora News/

2017/01/17

Komento (0)

Qeveria miratoi së fundi vendimin për legalizimin e shtetasve të pallateve.

Ky është procesi më i ri i legalizimeve që përfshin rreth 30 mijë qytetarë. Zv/ministri i Zhvillimit Urban Alfred Dalipi i ftuar në emisionin ‘Ekopolitikë” të Ora News thotë se ndërtuesit që kanë ndërtuar shtesa pa leje janë përfshirë në “listën e zezë” tek pushteti vendor.

Gert Shella, nga shoqëria civile thotë se legalizimet po shndërrohen në zakon, ndërsa Dritan Shutina, drejtor ekzekutiv i CoPlan thotë se ky proces duhet të marrë fund dhe qeveria duhet të vendosë një proces fundor.

Arben Dervishi nga shoqata e ndërtuese mendon se procesi u vjen në ndihmë qytetarëve, ndërsa makroeditori i gazetës Shekulli, Elton Metaj shprehet se gjithçka bëhet për fushatë.

Dalipi: Legalizimet në zonat informale mbyllen plotësisht në qershor

Pjesë nga intervista:

Dalipi: Ndërtuesi që ka bërë shtesën do të paguajnë taksën tek njësia vendore. Legalizimet janë për të gjithë ata që kanë ndërtuar pa leje. Ne kemi marrë në shqyrtim dhe kemi dhënë legalizimin për këto kategori që është shumë e madhe. Ndërtuesi që ka bërë shkelje do të paguajnë taksën për ato hapësira që ka ndërtuar pa leje.

Shella: Leja erdhi pa pritur. Po legalizoni jo nevojën por luksin. Po gjendet nevoja legjitime e të varfërve dhe duket sikur mbi këtë nevojë, kemi tashmë një legalizim të shtesave. Për mua është befasi e pakëndshme.

Dervishi: Legalizim shtesash është bërë që nga viti 2005 që doli ligji. Ajo që i vjen në ndihmë qytetarit në ato objekte ku ndërtuesi ka falimentuar dhe nuk ekziston më. Nuk është se ka filluar sot. Legalizimi i shtesave ka vazhduar dhe vazhdon.

Dalipi: Një pallat i cili ka gjurma ka devijuar 10 cm. Për këto 10 cm nuk e merr njësia vendore dhe për këtë nuk mund ta regjistrojë. Janë tipologji të ndryshme, duke përjashtuar vetëm ato që janë në konflikte gjyqësore dhe bien ndesh me plane. Ne nuk kemi për të legalizuar gjithçka. Që nga shtatori i 2013-s, atje ku ka pasur projekte publike dhe ka pasur ndërtime pa leje, kemi prishur rreth 3 mijë të tilla. Jemi futur në një fazë ku bashkitë po miratojnë planet vendore që kanë parashikuar zhvillimet për 20 vite.

Shella: Si ka mundësi që në kushtet kur edhe për shkak të garës së sforcimit urban, përsëri në Shqipëri diskutohet edhe çështja e legalizimeve. Në Tiranë flitet edhe për hapësirat e fundit që kanë mbetur në qytet. Për mua është një apologji e dështimit të radhës së kontrollit të territorit.

Dervishi: Janë objekte para 2010-s.

Shutina: Vendosni një kohë fundore kur mbaron legalizimi. Jemi futur në pjesën e një rrjedhje me qëllim të pakontrolluar. Ligji i mëparshëm ishte deri në 2009-n, ju e shtytë deri në 2014-n. Ne po krijojmë precedentë. Ka ndërtime pa leje tani në të gjithë territorin. Ka vajtur në 500 mijë numri i ndërtimeve.

Dalipi: Flasim për ndërtesa kolektive mbi 5 kate dhe që nuk janë ndërtuar vitet e fundit.

Shutina: E nisi qeveria me vendosjen e autoritetit por nuk ishte konsekuente. Duhet të ishte po aq konsekuente në procesin fundor të legalizimeve. Është procesi më i thjeshtë për t’u evidentuar shtesa e pallateve. Pse nuk i evidentoni siç keni shembur ndërtesat e fukarenjve.

Dalipi: Jemi marrë vetëm me analizat e territorit që do të thotë ku dhe si. ALUIZNI ka një listë për të gjithë territorin të ndërtuesve që kanë shkelur ligjin. Këta janë në listat e zeza të njësive vendore dhe organeve tatimore. Pa shlyer detyrimet që kanë lidhur me këto objekte, nuk do të vazhdojnë aktivitetin.

Shutina: Ne po institucionalizojmë ilegalitetin. Ku është shkelur kjo leje? Ka një përgjegjësi të qartë.

Shella: Unë bie dakord me atë që ka një përgjegjësi me atë që nuk vepron që u detyron juve të bëni legalizimin e radhës.

Dervishi: Kjo VKM nuk shton ndërtimet, por janë për një grup që nuk janë zgjidhur nga VKM-të e mëparshme.

Shutina: Në këto zgjedhje do kemi premtimin e radhës se do të shtyhet afati i legalizimit. Gafa është bërë dhe do të përsëritet. Ky është një proces që udhëhiqet nga politika. Është kthyer në një objektiv në fushatë kush legalizon më shumë.

Metaj: Çdo devijim nga leja është shkelje ligji dhe nuk mund të justifikohet askush. Pse ky vendim vjen sot? Jemi 5 muaj larg zgjedhjeve dhe duket se ka lidhje me procesin e zgjedhjeve. Një qeveri serioze duhet të merrte kohë dhe të shpallte një qëllim final për legalizimet. Lënia e këtij procesi hapur, është si ajo plaga që lë mjeku hapur. Qeveria lë 30 mijë njerëz të kënaqur dhe opozita nuk kundërshton që të mos i mërzisë.

Duket se ka një lobim të qartë nga ndërtuesit. Ata që kanë ndërtuar asnjëherë la leje, sot duhet të ndihen të mërzitur. Qeveria shqiptare duhet t’u shpjegojë këtyre njerëzve. Kur ka zgjedhje do të ketë edhe premtime të pa kontrolluara dhe kjo temë ka vota. Do të kemi plagë të hapur dhe çdo qeveri do të vijë të hedhë pak alkool, si ai mjeku që lë plagën e hapur.

Dalipi: Legalizimet në zonat informale mbyllen plotësisht në qershor

Dalipi: Për ta konfirmuar, deri në qershor ne mbarojmë legalizimin e ndërtesave informale. Këtë mund ta them. Deri në qershor mbarohet tërësisht legalizimi i ndërtesave në zonat informale. Pa dyshim do të zbatohet ligji dhe të gjitha aktet nënligjore që i kemi nxjerrë vite më parë. Brenda këtij viti të mbyllim një proces për zonat informale, sepse këto kanë ecur paralelisht dhe me planet vendore. Janë një element që ndikojnë dhe ndihmojnë në urbanizimin e tyre.

/Ora News/

 

 

2017/01/10

Komento (0)

Debate të forta në emisionin Eko-politikë në Ora News të gazetares Aurora Sulçes për emergjencat e motit dhe mënyrën sesi po e përballon qeveria situatën.

Sipas kreut të emergjencave civile, Shemsi Prençi janë 30 mijë banorë të bllokuar, nga të cilët rreth 4 mijë janë në kushtet e emergjencës.

Agron Haxhimali, Drejtor Ekzekutiv i Shoqatës së Bashkive: Ishin vetëm 61 kryetarët e bashkisë që kanë përballuar këtë situatë.

Shemsi Prençi: Më gjej një kryetar bashkie që ka kërkuar një kërkesë për emergjencë civile

Agron Haxhimali: Kukësi të ka çuar ndihma për një numër prej 220 familje dhe ke çuar vetëm për 100 familje me avion. Duhet ndërtuar një sistem i mirëfilltë Shemsi”.

Shemsi Prençi: “Ta marrësh vesh ti e kryetarët e bashkive të majtë e të djathtë, Nuk do të çojmë ndihma në Kukës dhe në zona urbane, sepse janë  rrugët e hapura. Zotëri! Emergjencat nuk luftojnë fukarallëkun, zgjidhin problemin emergjent të atyre që janë të izoluar”.

Akuzat në studio kanë vijuar edhe për firmat e mirëmbajtjes së rrugëve që nuk reaguan në ditët e para të uljes së temperaturave, duke u bërë shkak edhe për bllokim të qarkullimit.

Alfred Olli, ish-drejtori i Emergjencave Civile:  ” Nuk mund ti lihet një firme që në inventarin e saj logjistik ka tri kazma, dy lopata dhe një karrocë”.

Shemsi Prençi: “ Në vitin 2012 kanë mbetur rrugët nacionale 20 ditë pa u hapur. E kam denoncuar vetë këtë gjë.

Spartak Tarkaj, Drejtor i Standarteve në ARRSH: “Unë nuk e kallëzoj personalisht ,unë kam të përcaktuara kushtet e kontratës. Po bëjmë penalizime dhe nuk financohen dhe nuk paguhen për atë punë që nuk e kanë bërë”.

 Shemsi Prençi: “Ne nuk na lejohet në mënyrë kategorike të bëjmë avokatinë e kompanive të ndërtimit”.

Ngricat dhe dëbora kanë dëmtuar edhe kulturat bujqësore.

Ministri i Bujqësisë, Edmond Panariti deklaroi se qindra hektarë sera me luleshtrydhe janë dëmtuar.

Edmond Panariti: ” Ne kemi mbajtur evidenca të sakta për të parë pastaj në ç’mënyrë mund t’i vijmë në ndihmë këtyre fermerëve, por ajo që mbetet si një zgjidhje afatgjatë është sigurimi i këtyre bizneseve’.

Ndërkaq shefi i shtabit të gadishmërisë në OSHE deklaroi se janë marrë të gjitha masat, përfshi pajisjen me bazë materiale për rregullimin në çdo kohë të avarive që mund të ndodhin.

Prençi: ARRSH të mos bëjë avokatinë e kompanive

2017/01/03

Komento (0)

Të ftuar:

Arbian Mazniku, nënkryetar i bashkisë së Tiranës

Mateo Spaho, këshilltar i PD në Këshill Bashkiak

Klotilda Ferhati, kryetare e grupit të këshilltarëve të PS në Këshillin Bashkiak

Ariana Çela, këshilltare e PD në Këshill Bashkiak