2017/01/10

Komento (0)

Debate të forta në emisionin Eko-politikë në Ora News të gazetares Aurora Sulçes për emergjencat e motit dhe mënyrën sesi po e përballon qeveria situatën.

Sipas kreut të emergjencave civile, Shemsi Prençi janë 30 mijë banorë të bllokuar, nga të cilët rreth 4 mijë janë në kushtet e emergjencës.

Agron Haxhimali, Drejtor Ekzekutiv i Shoqatës së Bashkive: Ishin vetëm 61 kryetarët e bashkisë që kanë përballuar këtë situatë.

Shemsi Prençi: Më gjej një kryetar bashkie që ka kërkuar një kërkesë për emergjencë civile

Agron Haxhimali: Kukësi të ka çuar ndihma për një numër prej 220 familje dhe ke çuar vetëm për 100 familje me avion. Duhet ndërtuar një sistem i mirëfilltë Shemsi”.

Shemsi Prençi: “Ta marrësh vesh ti e kryetarët e bashkive të majtë e të djathtë, Nuk do të çojmë ndihma në Kukës dhe në zona urbane, sepse janë  rrugët e hapura. Zotëri! Emergjencat nuk luftojnë fukarallëkun, zgjidhin problemin emergjent të atyre që janë të izoluar”.

Akuzat në studio kanë vijuar edhe për firmat e mirëmbajtjes së rrugëve që nuk reaguan në ditët e para të uljes së temperaturave, duke u bërë shkak edhe për bllokim të qarkullimit.

Alfred Olli, ish-drejtori i Emergjencave Civile:  ” Nuk mund ti lihet një firme që në inventarin e saj logjistik ka tri kazma, dy lopata dhe një karrocë”.

Shemsi Prençi: “ Në vitin 2012 kanë mbetur rrugët nacionale 20 ditë pa u hapur. E kam denoncuar vetë këtë gjë.

Spartak Tarkaj, Drejtor i Standarteve në ARRSH: “Unë nuk e kallëzoj personalisht ,unë kam të përcaktuara kushtet e kontratës. Po bëjmë penalizime dhe nuk financohen dhe nuk paguhen për atë punë që nuk e kanë bërë”.

 Shemsi Prençi: “Ne nuk na lejohet në mënyrë kategorike të bëjmë avokatinë e kompanive të ndërtimit”.

Ngricat dhe dëbora kanë dëmtuar edhe kulturat bujqësore.

Ministri i Bujqësisë, Edmond Panariti deklaroi se qindra hektarë sera me luleshtrydhe janë dëmtuar.

Edmond Panariti: ” Ne kemi mbajtur evidenca të sakta për të parë pastaj në ç’mënyrë mund t’i vijmë në ndihmë këtyre fermerëve, por ajo që mbetet si një zgjidhje afatgjatë është sigurimi i këtyre bizneseve’.

Ndërkaq shefi i shtabit të gadishmërisë në OSHE deklaroi se janë marrë të gjitha masat, përfshi pajisjen me bazë materiale për rregullimin në çdo kohë të avarive që mund të ndodhin.

Prençi: ARRSH të mos bëjë avokatinë e kompanive

2017/01/03

Komento (0)

Të ftuar:

Arbian Mazniku, nënkryetar i bashkisë së Tiranës

Mateo Spaho, këshilltar i PD në Këshill Bashkiak

Klotilda Ferhati, kryetare e grupit të këshilltarëve të PS në Këshillin Bashkiak

Ariana Çela, këshilltare e PD në Këshill Bashkiak

2016/11/29

Komento (0)

Më 6 dhjetor, senati italian pritet të miratojë ligjin e ri që ndalon kompanitë italiane të Call Center-va që të transferojnë aksionet e tyre jashtë vendeve anëtare të Bashkimit Evropian.

Sipërmarrësi italian në Shqipëri Roberto Caparrotta i ftuar në Ekopolitikë, thotë se qëllimi i ligjit është që të tërheqë kompanitë Call Center në Itali dhe se nga kjo do të humbasin edhe kompanitë shqiptare.

Sipërmarrësi italian tha se do të shkonte në Bullgari ose Rumani, ndërsa në Itali nuk mund të kthehej për shkak të taksave të larta.

Kreu i shoqatës së Call-Centera-ve, Gentian Drenova, thotë se ky është problem kombëtar.

Eksperti i Partisë Socialiste për punësimin, Kosta Bajraba tha se Shqipëria nuk mund të bëjë asgjë me Italinë, ndërsa pranoi se tregu shqiptar i punës do të goditet nga ligji.

Drejtuesi i departamentit të punësimit në PD, Kastriot Sulka tha se ligji është shumë i keq.

Pjesë nga bisedat:

Caparrotta: Janë 847 call center-a në Shqipëri dhe janë 25 mijë të rinj, jam habitur pse ka kaq indiferencë nga institucionet shqiptare. Mbas miratimit të ligjit nuk thotë se do të mbyllen Call Center-at. Rregullat që janë vendosur shumë shtrënguese, normalisht do të ulet rendimenti. Detyrohet që një operator kur merr klientin dhe deklaron se nga vjen telefonata. Është shumë e vështirë për një italian që të bëjë një kontratë nga Shqipëria dhe normalisht garancia ligjore dhe besimi, automatikisht shitjet bien.

Do të bllokohen të dhënat personale. Ligji i bllokon. Është vendosur që nuk mund të përdorësh listat telefonike pa konsensusin e klientit.

Ky nuk është vetëm për ata që do të vijnë, por edhe ata që punojnë. Nuk është vetëm për italianët, por edhe për shqiptarët pasi ata kanë kontrata me kompanitë italiane. Gjobat shumë të larta që shkojnë deri në 150 mijë euro. Interesi i qeverisë italiane është që të mbyllen në Shqipëri dhe të kthehen në Itali.

Aurora Sulçe: Në rast se ju nuk ktheheni në Itali, një ndër alternativat është Rumania. Do ndodhi?

Caparrotta: Absolutisht po! Në Rumani, në Bullgari. Pasojat më të mëdha do t’i ketë Shqipëria.

Drenova: Mua më vjen shumë keq që nuk kishte përfaqësues të qeverisë. Është problem kombëtar. E kemi parashtruar tek ministri i Ekonomisë dhe ministri i Punës përpara 6 muajve.

Sulçe: Cili ishte qëndrimi?

Drenova: Do t’ju mbështesim. Patëm dy tre takime dhe situata ngeli pezull. Takimet kanë nisur që në maj. I kemi nisur edhe mesazhe të personalizuara deri tek kryeministri. Isha i shokuar kur e mora vesh nga tv. Kemi kërkuar kontakt me ambasadën italiane për të parë draftin. Ky është një ligj italian dhe është bërë për tregun italian dhe ne nuk mund të gjykojmë masat e qeverisë italiane.

Impakti i parë është punësimi. Unë besoj se janë më shumë se 25 mijë punonjës. Janë mbi 35 mijë punonjës, por realisht të regjistruar në tatime janë 25 mijë.

Elementi i dytë janë investimet. Këto janë investime shumë të mëdha, në lekë, në burime njerëzore, në strategji.

Çfarë po bën pala shqiptare?

Bajraba: Këtu nuk e përjashtojmë që kemi një goditje të tregut të punës në Shqipëri. Kjo është një çështje e rregullimit të tregut italian të punës. Kjo është një politikë e mirëfilltë protektoniste dhe kjo është një reformë e gjerë e qeverisë Renzi me një paketë prej 5 miliardë eurosh. Ligjvënësi italianë kërkojnë të marrin masat e nevojshme për të rinjtë italianë. Nuk mund të kërkohet të lobojë qeveria shqiptare. Për Shqipërinë kjo është një goditje e fortë. Nëse për Italinë është një pikë ujë në oqean, për Shqipërinë i jep një goditje që nuk e meriton.

Drenova: Kanë vënë kufizime vetëm për Shqipërinë. Këtu ka edhe biznese italiane, ka biznese shqiptare që punojnë me italianë. Ne duhet të mbrojmë këto kufizime.

Sulka: Është naivitet të mendojmë dhe t’i qajmë hallin tregut italian. Duket sikur ligji do të na atakojë vetëm ne. Arsyeja është e thjeshtë, do të iki nga rroga mesatare 350 euro në Shqipëri dhe do të shkojë në Rumani. Është lajmi më i keq që mund t’i jepet një ekonomie në vendin tonë.

Jemi në një situatë dhe bëjmë të paditurin. Kemi 35 mijë të rinj dhe nuk kemi asnjë lloj ndërhyrje. E vetmja gjë që nuk arrijmë dot ta ulim pak si impakt është kjo marrëdhënie kur vjen fjala për ekonominë e vendit. Le të mbyllim gjysmën e qeverisë që është e detyruar të bëjë negociata. T’i nuk mund ta lësh për ditën e fundit dhe nuk mund t’i bësh asnjë lloj presioni as Dhomës së Ulët dhe as Senatit italian.

Sulçe: Ne nuk mund t’i imponohemi për politika fiskale…

Sulka: Absolutisht jo! Kush foli për imponim? Nuk fola fare për imponim. Shteti shqiptar nuk ka lëvizur fare.

“Call Center-t”, sipërmarrësi italian: Takova një ministër, ishte aut

/Ora News/

 

2016/11/22

Komento (0)

Ekopolitikë “Rreziku nga Piramidat” , 22 nëntor 2016